خواص کا وظیفہ بہت سنگین ہے، اگر یہ فرائض سے غفلت برتیں تو قوم پر سخت ضرب لگےگی، ولی امر المسلمین

تہران : ولی امر مسلمین آیت اللہ العظمی سید علی خامنہ ای نے کہاہے کہ غزہ کے حوالے سے مسلم دنیا کی اشرافیہ کے کندھوں پر بھاری ذمہ داری عائد ہوتی ہے۔ انہیں اسرائیلی حکومت سے تعلقات منقطع کرنے کا عوامی مطالبہ کرنا چاہیے۔ فضائیہ کے اعلیٰ افسران کی امام خمینیؒ کی حمایت اور بیعت کی مناسبت سے ایران کی فضائیہ کے اعلیٰ عہدیداروں نے حسینیہ امام خمینیؒ میں آیت اللہ العظمی خامنہ ای سے ملاقات کی۔ اس موقع پر ولی امر مسلمین نے اپنے خطاب میں کہا کہ معاشرے کے بااثر طبقوں کا وظیفہ بہت سنگین ہے۔ اگر یہ طبقہ اپنے فرائض سے غفلت کرے تو قوم پر سخت ضربت لگے گی۔ دشمن اس طبقے کے لئے خصوصی منصوبہ بندی کرتا ہے۔ اس طبقے کو معاشرے میں کردار ادا کرنے سے روکنے کے لئے شکوک و شبہات میں مبتلا کرنا دشمن کے منصوبوں میں شامل ہے۔ انہوں نے کہا کہ بااثر طبقہ عوام کو انتخابات میں شرکت کے لئے تیار کرسکتا ہے۔ پرجوش انتخابات ملکی تقدیر میں اہم کردار ادا کرتا ہے۔ پرجوش انتخابات کے نتیجے میں عوامی حکومت کی طاقت میں اضافہ ہوجاتا ہے۔ 11 فروری کو ملک بھر میں ہونے والی ریلیوں میں شرکت قومی اقتدار کی علامت ہے۔ انہوں نے کہا کہ اللہ کے فضل سے اس سال بھی عوام پرجوش انداز میں اس ریلی میں شرکت کریں گے۔ بااثر طبقہ معاشرے کو آگے بڑھانے میں اہم کردار ادا کرتا ہے۔ یہ طبقہ ہر معاملے میں فکر اور تشخیص کی بنیاد پر عمل کرتا ہے اور معاشرے میں چلنے والی ہوا کا تابع نہیں ہوتا ہے۔ رہبر انقلاب نے کہا کہ غزہ کے حوالےسے بھی اس طبقے کے مخصوص وظائف ہیں۔ خواص کو چاہئے کہ صیہونی حکومت کے ساتھ تعلقات منقطع کرنے کے لئے عوام میں شعور پیدا کرے۔