Raza Musani 
بیروت : فلسطین کی اسلامی جہاد موومنٹ نے شمالی غزہ کے لاکھوں باشندوں کی واپسی کو تاریخی فتح قرار دیتے ہوئے کہا کہ فلسطینی قوم کی استقامت نے صیہونیوں کی امیدوں پر پانی پھیر دیا۔ اسلامی جہاد موومنٹ نے ایک بیان میں کہا ہے کہ لاکھوں بے گھر افراد اور شمالی غزہ کے باشندے ایک تاریخی موڑ پر اس علاقے میں واپس آئیں ہیں جسے صیہونی رژیم نے کھنڈرات میں تبدیل کر دیا ہے، لیکن یہ مزاحمت کی غیر معمولی فتح ہے۔ یہ واپسی ان تمام لوگوں کے لئے دندان شکن جواب ہے جو فلسطینی قوم کی جبری ہجرت کا خواب دیکھ رہے ہیں۔
اسلامی جہاد نے اس بات پر زور دیا کہ فلسطینی قوم کی استقامت صیہونیوں کے مذموم عزائم اور ناپاک منصوبوں کو خاک میں ملا دے گی۔ نیٹزارم کراسنگ سے صیہونی فوج کے انخلاء کے ساتھ ہی غزہ کے شمال میں لاکھوں فلسطینی پناہ گزینوں کی واپسی کا عمل شروع ہو گیا ہے۔
