الشفا اسپتال حملے پر عالمی برادری کی خاموشی شرمناک ہے، حماس

غزہ: حماس نے الشفاء اسپتال کیخلاف اسرائیلی جارحیت پر عالمی برادری کی خاموشی کو شرمناک قرار دیا ہے۔ حماس نے ایک بیان میں کہا ہے کہ اسپتال پر اسرائیلی جارحیت عالمی برادری اور اقوام متحدہ کی اخلاقی ناکامی کی علامت ہے جو اسرائیل کے روایتی اتحادی امریکا پر صیہونی حکومت کو اسلحہ فراہمی سے روکنے کے لیے دباؤ ڈالنے کی صلاحیت نہیں رکھتے ہیں۔ بیان میں کہا گیا ہےکہ الشفاء اسپتال کمپلیکس اور اس کے اندر پھنسے افراد کی صورتحال پر شرمناک خاموشی عالمی برادری اور اقوام متحدہ کی رسوائی اور اخلاقی ناکامی کی عکاسی کرتی ہے۔ بیان میں کہا گیا ہےکہ عالمی برادری صیہونیوں کی کلنگ مشین اور امریکا کو روکنے سے قاصرہے کہ وہ اسرائیل کو اسلحہ کی برآمدات کو روکے۔