ایران اور امریکا کے درمیان مذاکرات کا دوسرا دور بھی عمان میں ہفتے کو ہوگا

تہران : ایران اور امریکا کے درمیان جوہری ہتھیاروں کے حوالے سے بالواسطہ مذاکرات کا دوسرا دور بھی عمان میں ہفتے کو ہوگا۔ ایرانی وزارت خارجہ کے ترجمان نے مذاکرات کے مقام کے حوالے سے افواہوں کی تردید کردی۔ دونوں ممالک کے درمیان بالواسطہ جوہری مذاکرات کا پہلا دور 12 اپریل کو عمان میں ہی ہوا تھا۔ فریقین نے بات چیت کو مثبت اور تعمیری قرار دیا تھا۔ ترجمان ایرانی وزارت خارجہ اسماعیل بقائی نے دو ٹوک انداز میں کہا کہ امریکا سے مذاکرات عمانی وزارت خارجہ کے توسط سے ہی ہوں گے، امریکا سے براہ راست مذاکرات ممکن نہیں ہیں۔مذاکرات میں کردار ادا کرنے پر عمانی حکومت کے شکرگزار ہیں۔