Raza Musani 
قاہرہ : مصر میں مسلم دنیا کی سب سے بڑی درسگاہ جامعہ الازہر کے شیخ احمدالطیب نے غزہ پر اسرائیلی جارحیت کیخلاف عالمی برادری کے ردعمل کو مایوس کن قرار دیا ہے۔ قاہرہ میں اقوام متحدہ کے سیکریٹری جنرل انتونیو گوتریس سے ملاقات میں شیخ احمد الطیب نے کہاکہ غزہ میں جو کچھ ہو رہا ہے اس سے مشرق اور مغرب کے درمیان خلیج کو ختم کرنے کی کوششوں کو نقصان پہنچ رہا ہے اس رابطہ کاری اور میل جول کی کوششوں کو نقصان پہنچنے کا خطرہ ہے ۔ انہوں نے مزید کہا کہ غزہ پر جارحیت پر مغربی معاشروں میں عام لوگوں کے برعکس رہنماؤں کا ردعمل انتہائی مایوس کن رہا ہے۔ انتونیو گوتریس نے کہا کہ بین الاقوامی برادری کو صرف الفاظ سے نہیں بلکہ فیصلوں کے ساتھ اپنی ذمہ داریاں پوری کرنے کی ضرورت ہے۔
