Raza Musani 
غزہ : غزہ میں شدید طوفانی موسم نے تباہی مچا دی ہے۔ عمارتیں گرنے اور سیلابی صورتحال کے باعث چار بچوں سمیت بارہ فلسطینی شہید ہوگئے۔ شمالی غزہ کے علاقے بیت لاہیا میں بے گھر خاندانوں کی پناہ گاہ گرنے سے پانچ افراد شہید اور کئی زخمی ہوئے۔ الرمل میں دیوار گرنے سے دو مزید افراد جان کی بازی ہار گئے۔
الشاطی۔ غزہ سٹی اور المواصی میں بھی شہادتیں ہوئیں۔ جبکہ سردی سے بھی ایک بچے کی موت ہوئی۔ سول ڈیفنس کا کہنا ہے کہ چند گھنٹوں میں دس مکانات منہدم ہو چکے ہیں اور بائیس ہزار خیمے تباہ ہوگئے۔
شدید بارشوں اور آندھی نے پہلے سے تباہ حال غزہ میں انسانی بحران کو مزید گہرا کردیا ہے، جہاں ہزاروں بےگھر خاندان کھلے آسمان تلے موسم کی سختیاں جھیل رہے ہیں۔
ادھر صیہونی فوج نے فائرنگ کرکے دو فلسطینی نوجوان رفح میں شہید کردئے جبکہ جبالیہ میں ایک خاتون گولہ باری کی لپیٹ میں آگئی۔
