Raza Musani 
صنعا: انصاراللہ نے منصور ہادی کے استعفیٰ کا خیر مقدم کرتے ہوئے سعودی عرب میں مذاکرات کو مسترد کردیا ہے.انصار اللہ کے ترجمان محمد عبدالسلام نے کہاکہ استعفیٰ نے اقوام متحدہ کو سعودی قیادت میں سات سالہ جنگ میں جارحین کی حمایت جاری رکھنے کے بہانے سے محروم کر دیا ہے۔اس پیشرفت نے ان ممالک کے الزامات کی تردید کی ہے جنہوں نے یمن میں مبینہ بغاوت کے منصوبہ سازوں کا مقابلہ کرنے کے بہانے حملہ کیا تھا. انہوں نے کہا کہ بین الاقوامی برادری اور اقوام متحدہ کے پاس اب یمنی قوم کے قتل عام اور سخت محاصرہ نافذ کرنے کے لیے ‘بین الاقوامی طور پر تسلیم شدہ یمنی حکومت’ کی اصطلاح کا استعمال جاری رکھنے کا کوئی جواز نہیں ہے.ادھر یمن کی نیشنل سالویشن حکومت کی اعلیٰ سیاسی کونسل کے رکن محمد علی الحوثی نے کہا ہے کہ یمن کے لئے جس ریاستی کونسل کی تشکیل کا اعلان ریاض کی جانب سے کیا گیا ہے اس کا یمن سے کوئی تعلق نہیں ہے اور یہ کونسل سعودی عرب کی ہے۔ انہوں نے سعودی عرب کو مشورہ دیا کہ وہ فریب کاریوں اور مکارانہ چالوں سے باز آجائے محمد علی الحوثی نے کہا کہ اس قسم کے اقدام سے یمنی قوم کے عزائم پر کوئی اثر نہیں پڑے گا، انہوں نے کہا کہ اس اقدام کا مقصد یمن کے خلاف جارحیت کا جواز فراہم کرنا ہے۔
