صدر کا سیاسی جماعت کی جانب سے فوجی قیادت پر بے بنیاد الزامات پر اظہار تشویش

اسلام آباد: صدر آصف علی زرداری نے ایک مخصوص سیاسی جماعت اور اس کے چند افراد کی جانب سے فوج کے ادارے اور اسکی قیادت کے خلاف محدود سیاسی مفادات کےحصول کیلئے لگائے گئے بے بنیاد اور بلاجواز الزامات پر شدید تشویش کا اظہار کیا ہے۔ ایوان صدر کی جانب سے جاری بیان میں کہا گیا ہے کہ چیف آف آرمی اسٹاف جنرل سید عاصم منیر نے ایوان صدر میں ملاقات کی۔ اعلامیے کے مطابق صدر مملکت نے رخنہ ڈالنے والے عناصر سے آہنی ہاتھوں سے نمٹنے کے عزم کا اظہار کیا۔ صدر مملکت نے کہا کہ ریاست کی خودمختاری اور علاقائی سالمیت کے تحفظ میں فوج کی خدمات کلیدی حیثیت کی حامل رہی ہیں۔ صدر مملکت نے متاثرہ علاقوں کی سماجی ترقی کے لیے فوج کی کوششوں کو بھی سراہا۔