او آئی سی کا اجلاس اسلام کے اتحاد اور یکجہتی کے عالمی پیغام کا عکاس ہے، سیکریٹری جنرل او آئی سی

اسلام آباد : اسلامی تعاون تنظیم کے سیکریٹری جنرل حصین ابراہیم طحہ نے کہاہے کہ او آئی سی کا اجلاس اسلام کے اتحاد اور یکجہتی کے عالمی پیغام کا عکاس ہے۔ وزرائے خارجہ کونسل کے اجلاس سے خطاب میں حصین ابراہیم طحہ نے کہا کہ او آئی سی نے ہمیشہ افغانستان کی بھرپور سپورٹ کی ہے اور ہمیشہ اس کے اتحاد اور علاقائی سالمیت کی حمایت کی ہے۔ افغانستان میں امن و استحکام کے لیے او آئی سی کو رابطے قائم کرنا چاہیے۔ مختلف ممالک کی جانب سے امدادی اشیا کا افغانستان پہنچانا اس کانفرنس کا پہلا قدم ہے۔ میری خواہش ہے کہ یہ اجلاس کامیاب ثابت ہو۔ انہوں نے کہا کہ بین الاقوامی برادری کہتی ہےکہ اب کبھی افغانستان دہشت گردوں کی آماجگاہ نہ بننےاس کے لیے عالمی برادری کو افغانستان کی بھرپور حمایت کے زریعہ افغانستان کو مین اسٹریم ممالک میں لانا ہو گا۔