Raza Musani 
تہران : ایرانی جوہری ادارے کے سربراہ محمد اسلامی نے کہا ہے کہ بین الاقوامی ایٹمی توانائی ایجنسی، اسرائیل کی قیادت میں ہمارے دشمنوں کی انٹیلی جنس رپورٹوں کی بنیاد پر اپنی رپورٹ تیار کرتی ہیں اور انکی کہی باتوں کا اپنی رپورٹوں میں حوالہ دیتی ہے۔الجزیرہ ٹی وی سے انٹرویو میں محمد اسلامی نے کہا کہ ہم نے بین الاقوامی جوہری توانائی ایجنسی کے سوالات کے جواب، اب تک بالکل درست دیے ہیں۔عالمی توانائی میں ہمارا حصہ صرف تین فیصد ہے اور آئی اے ای اے کے معائنہ کاروں کی 25 فیصد سرگرمیاں ہماری سرزمین میں ہوتی ہیں اور آئی اے ای اے کی کیمرے کی فوٹیج تک رسائی جوہری معاہدے کے انجام پر منحصر ہے۔ بین الاقوامی ایٹمی توانائی ایجنسی نے ہماری سائٹس کو نشانہ بنانے کی مذمت تک نہیں کی اور یہ ایک بڑا سوال ہے۔ ہماری حکمت عملی میں جوہری ہتھیاروں کی کوئی جگہ نہیں اور جو کچھ کہا جا رہا ہے وہ محض جانبدارانہ الزامات ہیں۔
