Raza Musani 
تل ابیب: غزہ میں رہائی پانے والے اسرائیلی قیدیوں نےکہا ہے کہ تمام زیر حراست افراد کو ان کے گھروں کو واپس لایا جانا چاہیے۔ نیتن یاہو حکومت کے پاس مزید وقت نہیں ہے۔ آٹھ فروری کو رہا ہونیوالے اسرائیلی قیدی احد بن امی نے ایک مختصر ویڈیو بیان جاری کیا ہے۔ جس میں شہریوں پر زور دیا ہے کہ وہ مظاہرے جاری رکھیں جب تک کہ باقی تمام اسیروں کی رہائی نہیں ہو جاتی۔ تل ابیب میں مظاہرے کے دوران نشر کی گئی ویڈیو میں بن امی نے کہا کہ انہیں اور غزہ میں قید دیگر افراد کوبتایا گیاکہ اسرائیلی حکومت نے انہیں مرنے کیلئے چھوڑ دیا ہے۔ امید اس وقت ملی جب معلوم ہوا کہ لاکھوں لوگ اسیروں کو گھر واپس لانے کا مطالبہ کر رہے ہیں۔ بن امی نے خبردار کیا کہ غزہ میں موجود 73 اسیروں کا وقت ختم ہو رہا ہے۔ انہیں واپس لانے کیلئے احتجاج جاری رکھیں۔
ادھر گذشتہ روز رہائی کے موقع پر مختصر خطاب میں اسرائیلی قیدی یائر ہورن نے کہا کہ تمام زیر حراست افراد کو ان کے گھروں کو واپس لایا جانا چاہیے۔ اسرائیلی یرغمالی ساجا ڈیکل ہان نے حکومت پر زور دیا کہ وہ قیدیوں کے تبادلے اور جنگ بندی کے معاہدے کو آگے بڑھائے۔
