Raza Musani 
تہران: ولی امرمسلمین آیت اللہ خامنہ ای نے کہا کہ فلسطینی عوام خدا کی مدد سے فتح حاصل کریں گے اور مسلم دنیا جلد ہی صیہونی سرطانی پھوڑے کی تباہی کا مشاہدہ کرے گی۔ 40 ویں بین الاقوامی قرآنی مقابلے میں شریک قاریوں اور حفاظ سے خطاب میں آیت اللہ خامنہ ای نے قرآنی تعلیمات پر عمل کو انسانی معاشروں کی مشکلات حل کرنے کا ذریعہ قرار دیا اور مسلم حکمرانوں کی جانب سے غزہ کے حوالے سے قرآنی احکامات کو پس پشت ڈالنے کے عمل کی مذمت کی۔ انہوں نے کہاکہ آج غزہ میں فلسطینی مزاحمتی قوتیں صیہونی دشمن کے مقابلے میں قرآنی احکامات پر عمل کرتے ہوئے پوری استقامت کے ساتھ لڑ رہی ہیں اور خدا کے فضل سے فلسطینی قوم کو فتح نصیب ہوگی۔ انہوں نے کہا کہ خداوند متعال مسلم اقوام کا مواخذہ کرے گا کیونکہ انہوں نے اپنی حکومتوں پر صیہونی حکومت کی حمایت بند کرنے کے لیے دباؤ نہیں ڈالا۔
