اسرائیلی معیشت ہل کر رہ گئی، کرنسی کی قدرمیں کمی، اسٹاک مارکیٹ کو جھٹکا

تل ابیب: حماس کے حملے سے اسرائیلی معیشت ہل کر رہ گئی، اس کی کرنسی کی قدر دو فیصد تک نیچے آگئی ہے۔ یہ سات سال کی کم ترین سطح ہے۔ بینک آف اسرائیل نے کرنسی کی قدر کو سنبھالنے کیلئے پہلی بار 30 ارب ڈالر غیر ملکی کرنسی اوپن مارکیٹ میں بیچنے کا اعلان کردیا۔ بینک کا کہنا ہے کہ صورتحال اور مارکیٹس کا جائزہ لیتے رہیں گے اور صورتحال کے مطابق تمام دستیاب طریقہ عمل کے ساتھ کام کریں گے۔ جنگ کے باعث عالمی مارکیٹ میں خام تیل بھی مہنگا ہوگیا۔ امریکی کی تیل کی قیمت تین فیصد کمی سے 85 ڈالر فی بیرل ہوگئی۔ جبکہ برطانوی برنیٹ کروڈ 87 ڈالر فی بیرل پر جاپہنچا۔ ایشیائی مارکیٹیں بھی مسلسل گراوٹ کا شکار ہیں۔