اسرائیلی فوج پر ہر سمت سے حملے کیے جائیں، حماس کمانڈر

غزہ : غزہ میں حماس کے کمانڈر انچیف محمد الصیف نے اسرائیلی فوج پر ہر سمت سے حملے کا حکم دے دیا۔ اپنے پیغام میں حماس کمانڈر کا کہنا تھا کہ جس کے پاس جو ہتھیار ہے وہ اسرائیل کے خلاف استعمال کرے۔ اسرائیلی مظالم ناقابل برداشت ہوچکے ہیں۔امن مذاکرات اب نہیں کیے جائیں گے اب اسرائیلی سے میدان میں ہی بات ہوگی۔ غزہ میں کسی بھی غیر ملکی فوج یا اسرائیلی حمایتی کیلئے کوئی جگہ نہیں ہے۔ ہزاروں فلسطینیوں کا خون رائیگاں نہیں جائے گا۔اب ہر فلسطینی اپنے خون کا خود قصاص لے گا۔ حماس کا وجود برقرار ہے۔اسرائیل کی قسمت میں شکست ہے اور فلسطینیوں کے لیے فتح اللہ کا وعدہ ہے۔ ہم جیتے ہیں تو کامیاب رہتے ہیں لڑتے ہوئے مارے جاتے ہیں تو کامیاب ہوجاتے ہیں۔