Raza Musani 
غزہ: فلسطین میں امداد اور بحالی کے عالمی ادارے اونروا کے سربراہ فلیپ لازرینی نے کہا ہے کہ اسرائیلی فوج نے تشدد کے ذریعے عملے کو حماس سے تعلق کا اعتراف کرنے پرمجبور کیا ہے۔ فلپ لازرینی نےکہاکہ اسرائیل کے تمام الزامات بے بنیاد ہیں۔ اس نے اعتراف کیلئے اونروا کے گرفتار کارکنوں پر شدید تشدد کیا ہے۔اسرائیل تشدد کے ذریعے اونروا کے کارکنوں سے حماس کے لیے کام کرنے کا اعتراف کروارہا ہے۔ عالمی برادری اسرائیل کی ظالمانہ اقدامات کا نوٹس لے اور انروا کی امداد فوری بحال کرے۔ واضح رہے کہ اسرائیل اونروا پر تسلسل سے7 اکتوبر کے واقعات میں ملوث ہونے کا الزام عائد کررہا ہے۔ اسرائیل کے مطابق انروا کے کئی کارکن حماس کے لئے کام کرتے ہیں اسرائیلی الزامات کے باعث کئی یورپی ممالک نے انروا کی امداد بھی بند کردی ہے۔
