Raza Musani 
صیہونی فضائیہ نے غزہ کو خالی کرنے کے دھمکی آمیز پیغام پر مبنی کتابچے گرادئے. کتابچے میں اسرائیلی وزیراعظم بنیامین نیتن یاہو، امریکی صدر ڈونلڈ ٹرمپ کی تصویر اور قرآن کی آیات شامل ہیں۔ کتابچے میں دھمکی دی گئی ہے کہ غزہ والےاسرائیل سے تعاون کریں یا جبری نقل مکانی کا سامنا کریں۔ ٹرمپ ہرصورت غزہ کو خالی کرائیں گے چاہے کوئی قبول کرے یا نہ کرے۔ پیغام کے مطابق جو لوگ تعاون کے بدلے امداد چاہتے ہیں اسرائیل ان کی مدد میں ایک لمحے کی تاخیر نہیں کرے گا۔
کتابچے میں لکھا گیا ہےکہ اگر غزہ کے تمام لوگوں کا وجود ختم ہو جائے تو دنیا کا نقشہ نہیں بدلے گا۔ کوئی آپ کا احساس کرے گا نہ ہی آپ کے بارے میں پوچھے گا۔ پیغام میں لکھا گیا ہے کہ امریکا اور یورپ کو آپ کی پرواہ نہیں یہاں تک عرب ممالک بھی ہمارے اتحادی ہیں وہ ہمیں پیسہ اور اسلحہ دیتے ہیں جبکہ آپ کو صرف کفن بھیجتے ہیں۔ آپ کا کھیل تقریبا ختم ہوچکا ہے۔
