Raza Musani 
بغداد : عراق میں انتخابی نتائج کیخلاف عوام پھر سڑکوں پر نکل آئے۔ اور بغداد کے گرین زون میں احتجاجی مظاہرہ کیا۔ مظاہرین نے الیکشن کمیشن اور انتخابی نتائج کے خلاف زبردست نعرے لگائے۔ بعض مظاہرین گرین زون میں داخل ہونا چاہتے تھے جنھیں سیکیورٹی فورسز نے روک دیا۔ مظاہرین کا کہنا تھا کہ انتخابات میں بڑے پیمانے پر دھاندلی ہوئی اور ہم نتائج کو قبول نہیں کرتے ۔ انہیں کالعدم قرار دیا جائے۔ احتجاج کے مدنظر گرین زون کے چاروں طرف سیکیورٹی فورسز کو تعینات کیا گیا ہے۔
