عالمی برادری کا نائجر میں جمہوریت کی بحالی پر زور

برسلز: امریکا، یورپی یونین اور افریقی یونین نے نائجر کے فوجی سربراہ پر زور دیا ہے کہ وہ صدر بازوم کو رہا اور ملک میں جمہوریت بحال کریں۔ افریقی یونین کے اجلاس میں نائجر میں فوجی بغاوت پر تشویش کا اظہار کیا گیا۔ اجلاس کے بعد مشترکہ بیان میں کہا گیا ہے کہ فوجی اہلکار فوری طور پر غیر مشروط طور پر اپنی بیرکوں میں واپس چلے جائیں اور زیادہ سے زیادہ پندرہ دن کے اندر آئینی اختیار بحال کریں۔ امریکی وزیر خارجہ انٹونی بلنکن نے نائجر کے معزول صدر بازوم سے ٹیلی فون پر بات کی اور ان کی فوری رہائی کا مطالبہ کیا۔ انہوں نے کہا کہ امریکہ نائجر میں آئینی نظم اور جمہوری حکمرانی کی مکمل بحالی کو یقینی بنانے کے لیے کام جاری رکھے گا۔ یورپی یونین کے خارجہ امور کے سربراہ جوزپ بوریل نے کہا کہ یورپی یونین نائجر میں فوجی حکام کو تسلیم کرتا ہے اور نہ ہی کرے گا۔ محمد بازوم واحد جائز صدر ہیں۔ آئین کی معطلی اور ملک میں جمہوری اداروں کو تحلیل کرنے کا اعلان نائجر کی ریاست اور عوام دونوں کو کمزور کرتا ہے۔