Raza Musani 
رام اللہ : فلسطینی وزارت خارجہ نے عالمی برادری سے مطالبہ کیا ہے کہ وہ اسرائیلی آبادکاروں کے حملوں کو روکنے کے لیے
اپنی ذمہ داریاں پوری کرے۔ وزارت خارجہ کے بیان میں کہا گیا ہے کہ فلسطینی قصبوں اور دیہات پر آبادکاروں کے حالیہ اجتماعی حملے اسرائیلی فوج اور آبادکاروں کے درمیان واضح اشتراک اور منظم حکمت عملی کی عکاسی کرتے ہیں۔ جس کا مقصد فلسطینی عوام کو دبانا اور خوف و ہراس پھیلانا ہے۔ بیان کے مطابق فلسطینی شہروں کے درمیان مرکزی سڑکیں منقطع کر دی گئی ہیں۔ دیہات کے داخلی راستوں کو بارہ سو سے زیادہ چوکیوں اور آہنی دروازوں کے ساتھ بند کر دیا گیا ہے ۔ یہ اقدامات فلسطینیوں کی زندگی کو کنٹرول کرنے اور ان کا دم گھونٹنے کی منظم پالیسی کا حصہ ہے۔
بیان میں کہا گیاہے کہ عالمی برادری فلسطینی شہریوں پر حملوں کو روکنے کے لیے فوری اور مؤثر اقدامات کرے۔
