عالمی برادری اسرائیل پر مذاکرات کیلئے دباؤ ڈالے، حماس

غزہ : حماس نے عالمی برادری پر زور دیا ہے کہ اسرائیل پر غزہ جنگ بندی کے دوسرے مرحلے میں شامل ہونے کیلئے دباؤ ڈالے۔ حماس نے ایک بیان میں کہا کہ جنگ بندی معاہدے اور قیدیوں کے تبادلے کے پہلے مرحلے کے اختتام پر حماس معاہدے کی تمام شقوں کو مکمل اور تفصیلات کے ساتھ میں نافذ کرنے کے پرعزم ہے۔ بیان میں عالمی برادری سے مطالبہ کیاگیا ہے کہ وہ صیہونی حکومت پر دباؤ ڈالے کہ وہ معاہدے میں اپنے کردار کے لیے پوری طرح سے عہد کرے اور بغیر کسی تاخیر یا ہچکچاہٹ کے فوری طور پر اس کے دوسرے مرحلے میں داخل ہو جائے۔
جنگ بندی کے اگلے مرحلے پر اسرائیل اور حماس کے درمیان قاہرہ میں بات چیت شروع ہو گئی ہے۔ مصری حکام نے بتایا کہ ہفتے کو جنگ بندی کے پہلے مرحلے کی میعاد ختم ہونے سے پہلے اسے توسیع دینے کی کوشش کی جارہی ہے۔