Raza Musani 
نیویارک: امریکا۔ برطانیہ اور فرانس نے سلامتی کونسل میں ایرانی سفارتخانہ پر حملے کی مذمتی قرار داد ناکام بنادی۔ اقوام متحدہ کی سلامتی کونسل میں شام میں ایرانی قونصلیٹ پر حملے کی قرار داد پر بحث ہوئی۔ بیشتر شرکا نے حملے کی مذمت کی اور اسرائیل کو ذمہ دار ٹہرایا۔ تاہم امریکہ، برطانیہ اور فرانس نے روس کے تیار کردہ قرارداد کی مخالفت کی۔ تینوں ممالک نے موقف اختیار کیا کہ دمشق میں جو کچھ ہوا اس کے بہت سے حقائق غیر واضح ہیں۔ جس کی وجہ کونسل کے ارکان کے درمیان کوئی اتفاق رائے نہیں ہوا۔ روس نے اپنی قرار داد کی مخالفت پر کہا کہ یہ مغربی ٹرائیکا کے دُہرے معیارات کی واضح مثال ہے۔ ان کا بیانیہ بین الاقوامی سیاق و سباق میں قانونی حیثیت اور نظم و ضبط کے برعکس ہے۔
