یرغمالی ملے نہ ہی سرنگیں صیہونی فوج تباہی مچا کر الشفا اسپتال سے نکل گئیں

غزہ : صیہونی فوج چودہ گھنٹے تک تباہی مچاکر الشفا اسپتال سے نکل گئی۔ آپریشن میں یرغمالی ملے نہ ہی سرنگیں مل سکیں۔
صیہونی فوج نے گذشتہ روز الشفا اسپتال پر چڑھائی کرکے ایک ایک کمرے کی تلاشی لی اور تہہ خانوں کو بھی کھنگال ڈالا۔ عملے سے پوچھ گچھ کی جبکہ پناہ لینے والوں پر وحشیانہ تشدد کیا۔ اور دو سو سے زائد کو حراست میں لے لیا۔ اسپتال کے سرجری ڈیپارٹمنٹ کے سربراہ ڈاکٹر مروان ابو سعدہ نے بتایا کہ صیہونی فوجیوں نے ریڈیولاجی یونٹ کو تباہ کردیا۔ الٹراساؤنڈ اور ایکسرےمشینیں۔ ایم آر آئی اور سی ٹی اسکینر سمیت کسی مشین کو سلامت نہیں چھوڑا۔ اسپتال سے نکلنے کے بعد صیہونی فوج نے ایک سات منٹ کی ویڈیو جاری کی ہے جس میں بعض اشیا اور اسلحہ دکھائا گیا ہے اور دعویٰ کیا گیا ہے کہ ان کا تعلق حماس سے ہے۔ تاہم پوری ویڈیو میں کسی سرنگ۔ کمانڈ سینٹر اور یرغمالیوں کے ملنے کا ذکر نہیں ہے۔ حماس نے کہا ہے کہ صیہونی فوج نے خود ہی یہ سامان رکھا ہے۔ اسپتال سے نکلنے کے باوجود صیہونی فوج نے اس کا محاصرہ جاری رکھا ہوا ہے۔