Raza Musani 
دی ہیگ : نو ممالک کے گروپ نے غزہ میں جنگی جرائم پر اسرائیل کے احتساب کے لئے اتحاد کرلیا۔ بیلیز، بولیویا، چلی، کولمبیا، ہنڈوراس، نمیبیا، سینیگال، جنوبی افریقہ اور ملائیشیا کے وفود نے دی ہیگ میں ملاقات کی اور بین الاقوامی فوجداری عدالت کیخلاف بڑھتی ہوئی دھمکیوں سے نمٹنے کیلئے مربوط قانونی، اقتصادی اور سفارتی اقدامات پیش کئے۔گروپ کا مقصد بین الاقوامی قانونی اداروں اور ان کے فیصلوں کی قانونی حیثیت کا دفاع کرنا ہے۔ گروپ میں شامل ملائشین وزیر اعظم انور ابراہیم نے کہا کہ اسرائیل کی خلاف ورزیاں فلسطینیوں کے قتل عام اور ظلم و ستم سے بڑھ کر ہیں۔ وہ بین الاقوامی قانون کی بنیادوں پر ضرب لگاتے ہیں جن کا دفاع کرنا عالمی برادری کا فرض ہے۔
اقوام متحدہ کی نمائندہ فرانسسکا البانیز نے ہیگ گروپ کے قیام کا خیر مقدم کرتے ہوئے کہا ہے کہ ہیگ گروپ کا قیام پالیسی سازوں کے اتحاد کی جانب سے طویل عرصے میں بہترین خبر ہے۔
