غزہ جنگ انسانیت اور تہذیب انسانی پر سیاہ دھبہ ہے، چینی وزیرخارجہ

بیجنگ : چین نے غزہ جنگ کو انسانیت اور تہذیب انسانی کے چہرہ پر سیاہ دھبہ قرار دے دیا ہے۔ چینی وزیرخارجہ وانگ ای نے کہا کہ اکیسویں صدی میں غزہ میں انسانیت کی ایسی تذلیل پوری عالمی برادری کے لیے باعث شرمندگی ہے۔ پریس کانفرنس میں صحافیوں سے بات کرتے ہوئے چینی وزیرخارجہ کا کہنا تھا کہ مسلمانوں کے مقدس مہینے رمضان سے قبل جنگ بندی انتہائی ضروری ہے۔ دنیا کو غزہ پر خاموش نہیں رہنا چاہئے جہاں ہزاروں افراد جان گنوا بیٹھے ہیں۔ اسرائیل نے نسل کشی اور جنگی جرائم کی انتہا کردی ہے۔ امریکہ اور اس کی سرپرستی میں اسرائیل کا غزہ میں قتل عام انسانی تاریخ کا شرمناک باب ہے۔ جس کو مذمت سے زیادہ عملی اقدامات سے روکنے کی ضرورت ہے۔