Raza Musani 
تہران : ولی امر مسلمین آیت اللہ خامنہ ای نے غزہ کے لوگوں کو بے گھر کرنے کے امریکی اسرائیلی منصوبے کو احمقانہ قرار دیتے ہوئے کہا ہے کہ یہ غزہ میں مزاحمت کو ختم کرنے کی کوششوں کی طرح ناکام ہوگا۔ اسلامی جہاد کے سیکریٹری جنرل زیاد النخالہ کی سربراہی میں وفد سے گفتگو میں سپریم لیڈر نے کہاکہ یہ منصوبے کہیں بھی آگے نہیں بڑھیں گے۔ جنہوں نے ڈیڑھ سال پہلے قلیل عرصے میں مزاحمت کو ختم کرنے کا عزم کیا تھا وہ اب فلسطینیوں کی ایک بڑی تعداد کے بدلے میں اپنے قیدی وصول کر رہے ہیں۔ انہوں نے اس بات پر زور دیا کہ فلسطینی مزاحمتی رہنماؤں اور جنگجوؤں کے اتحاد و ثابت قدمی. جنگ بندی مذاکرات کے پیچیدہ عمل کو آگے بڑھانے کے ساتھ ساتھ غزہ کے عوام کے صبر و تحمل نے مزاحمت کو خطے میں قابل فخر بنا دیا ہے۔
انہوں نے صیہونی اور امریکی دشمن کے مقابلے میں اسلامی مزاحمت اور غزہ کے عوام کی فتح کو عظیم کامیابی قرار دیتے ہوئے کہا کہ اس فتح نے مزاحمتی جدوجہد میں ایک نئے فکری ڈھانچے کو تشکیل دیا ہے۔ انہوں نے کہا کہ آج عالمی رائے عامہ فلسطین کے حق میں ہے اور اس صورت حال میں مزاحمت اور غزہ کے عوام کی رضامندی کے بغیر کوئی منصوبہ کامیاب نہیں ہوگا۔
