Raza Musani 
غزہ : اسرائیل اور حماس کے درمیان جنگ بندی معاہدے کا پہلا مرحلہ ختم ہوگیا۔ دوسرے مرحلے کیلئے بات چیت میں پیشرفت نہ ہوسکی ۔ دوسرے مرحلے کے حوالے سے اسرائیل، قطر اور حماس کے وفود کے درمیان گذشتہ روز قاہرہ میں بات چیت کا کوئی نتیجہ نہیں نکل سکا۔ حماس نے جنگ بندی معاہدے کے پہلے مرحلے میں بیالیس دن کی توسیع کی تجویز مسترد کردی ہے۔ حماس کے ایک رکن نے نام ظاہر نہ کرنے کی درخواست پر بتایا کہ یہ جنگ بندی کے معاہدے سے متصادم ہے۔ انہوں نے وضاحت کی کہ اسرائیلی تجویز میں اضافی قیدیوں کے تبادلے کے بدلے ماہ رمضان کے دوران جنگ بندی میں توسیع کا مطالبہ کیا گیا ہے۔ قاہرہ میں ہونے والے مذاکرات کےحوالے سے حماس کے ایک سینیئر اہلکار نے المیادین نیوز کو بتایا کہ اسرائیل جان بوجھ کر معاہدے کے پہلے مرحلے میں توسیع کو روک رہا ہے۔ حماس جامع معاہدے کے بغیر کسی یرغمالی کو رہا نہیں کرے گی۔
