پیپلز پارٹی اور ن لیگ کے مذاکرات کا پانچواں دور بھی بے نتیجہ

اسلام آباد : مسلم لیگ ن اور پیپلز پارٹی کے درمیان حکومت سازی کیلئے مذاکرات کا پانچواں دور بھی بے نتیجہ رہا۔ گذشتہ روز مذاکرات میں وقفے کے بعد پیپلزپارٹی کا وفد واپس نہیں آیا۔ لیگی رہنما اعظم نذیر تارڑ نے مذاکرات کو مثبت قرار دیا ۔ انہوں نے کہا کہ کابینہ میں پیپلزپارٹی کی شمولیت کے حوالے سے کچھ چیزیں پہلے سے طے شدہ ہیں۔ جلد دونوں جماعتوں کے درمیان معاملات کسی حتمی نتیجے پر پہنچ جائیں گے۔ دونوں جماعتیں آج چھٹے مذاکراتی دور کیلئے پھر سر جوڑیں گی۔