سانحہ کرم کے پس پردہ حقائق سامنے لائے جائیں، علامہ ساجد نقوی

لاہور: شیعہ علما کونسل کے سربراہ علامہ ساجد نقوی نے ضلع کرم میں جنگی صورتحال اوراس کے نتیجے میں انسانی جانوں کے ضیاع کے واقعات کی پرزور مذمت کی ہے۔ علامہ سید ساجد علی نقوی نے کہاکہ پاراچنار میں ابتدائی کشیدگی کو اگر بروقت دور کر لیا جاتا تو نوبت جنگ وجدل تک نہ پہنچتی اور بڑے پیمانے میں انسانی جانوں کا ضیاع نہ ہوتا۔ انہوں نے اس افسوسناک واقعے میں بڑے پیمانے پر گولہ بارود کے بھاری استعمال پر بھی حیرت کا اظہار کیا اور حکومت سمیت امن و امن کے تمام ذمہ داروں سے مطالبہ کیا کہ وہ موثر اقدامات کر کے کرم کو انسانی المیہ سے بچائیں اور اس جنگ کو مزید پھیلنے سے روکیں۔ انہوں نے اس واقعے کے پس پردہ حقائق کو منظر عام پر لا کر کرم کو جنگ میں دھکیلنے والے عناصر کے خلاف فوری کاروائی کا بھی مطالبہ کیا۔