ایک خودمختار فلسطینی ریاست کا قیام ضروری ہے، نبیل ابورودینہ

رام اللہ: فلسطینی انتظامیہ نے جی سیون ممالک کے اعلامیہ میں دو ریاستی حل کا ذکر نہ کرنے پر شدید ردعمل کا اظہار کیا ہے اور کہا کہ مسئلہ کے حل کیلئے ایک خودمختار فلسطینی ریاست کا قیام ضروری ہے۔ صدر محمود عباس کے ترجمان نبیل ابو رودینہ نے ایک بیان میں کہاکہ فلسطین کا سیاسی افق دو ریاستی حل پر مبنی ہونا چاہیے، جو کہ بین الاقوامی قانونی حیثیت اور عرب امن اقدام پر مبنی ہو۔ کیونکہ خطے میں امن، استحکام اور سلامتی کے حصول کے لیے یہی واحد قابل عمل راستہ ہے۔ ابو رودینہ نے اس بات پر زور دیا کہ یہ حل مشرقی یروشلم کے ساتھ ایک آزاد اور خودمختار فلسطینی ریاست کے قیام کا باعث بنے گا۔ انہوں نے اس بات پر بھی زور دیا کہ فوری ترجیح جنگ بندی۔ انسانی امداد کی بلا روک ٹوک بہاؤ کو یقینی بنانا اور غزہ کی پٹی میں مکمل ذمہ داری قبول کرنا ہے۔
انہوں نے بین الاقوامی قانون کی خلاف ورزی کرنے والے یکطرفہ اقدامات کے خاتمے کی ضرورت پر بھی مزید زور دیا۔