Raza Musani 
تل ابیب: صیہونی وزیراعظم نے ماہ رمضان میں مسلمانوں کیلیے مسجد اقصیٰ میں داخلے پر پابندیاں عائد کردی ہیں۔ پابندیوں کا مشورہ اسرائیل کے قومی سلامتی کے وزیراتماربن گرور نے دیا تھا۔ جس میں وزیراعظم کو مسجد اقصیٰ میں عربوں کے داخلے پر پابندی سمیت مسجد کی حدود کے باہر عبادات پر پابندی عائد کرنے کا بھی مشورہ دیا گیا ہے۔ جب کہ دنیا کے دیگر ممالک سے آنے والے مسلمانوں کی حاضری بھی محدود کرنے کا کہا گیا ہے۔ اسرائیلی وزیراعظم نے تجاویز منظور کرلی ہیں اور کابینہ نے بھی منظوری دے دی ہے۔ اسرائیلی میڈیا کے مطابق ماہ رمضان سے قبل فیصلے کا اعلان کردیا جائے گا۔ اسرائیلی ایجنسیوں نے وزیراعظم کے فیصلے کو انتہائی خطرناک قرار دیا ہے۔ جس سے حالات خراب ہونے کا خدشہ ظاہر کیا گیا ہے.
