Raza Musani 
واشنگٹن : جوبائیڈن انتظامیہ نے فلسطینیوں کی نسل کشی جاری رکھنے کیلئے اسرائیل کو ہتھیاروں کے اپنے ذخائر تک بھرپور رسائی دینے کی سفارش کردی۔ میڈیا رپورٹ کے مطابق وائٹ ہاؤس کا مقصد اسرائیل کی امریکی ہتھیاروں کے ذخیرے تک رسائی میں حائل تمام پابندیاں ہٹانا ہے۔ جس سے اسرائیل کے لیے ہتھیاروں کی تسلسل کیساتھ رسائی فعال ہوجائے گی۔ وائٹ ہاؤس نے پابندیاں ہٹانے کیلئے سینیٹ کو درخواست بھیج دی ہے وائٹ ہاؤس نے سینیٹ سے اتحادیوں کیلئے مختص ہتھیاروں کے ذخائر برائے اسرائیل کی پالیسی میں تبدیلی کی درخواست کی ہے۔ سینیٹ سے منظوری ملنے کے بعد اسرائیل کم لاگت میں جدید اور خطرناک ہتھیاروں سمیت دفاع کے تمام آلات تک رسائی حاصل کرلے گا۔
