Raza Musani 
واشنگٹن: سعودی اور امریکی وزرائے خارجہ کی ملاقات میں ایران کے جوہری پروگرام اور اس حوالے سے بین الاقوامی مذاکرات پر تبادلہ خیال کیا گیا۔ واشنگٹن میں ملاقات کے بعد مشترکہ نیوز کانفرنس کرتے ہوئے امریکی وزیر خارجہ انٹونی بلنکن نے کہا ہے کہ ایران جوہری پروگرام کے حوالے سے تعاون نہیں کرتا تو پھر واشنگٹن تہران کی طرف سے ممکنہ خطرات سے نمٹنے کے لیے دیگر آپشنز پر غور کر رہا ہے۔ سعودی وزیر خارجہ شہزادہ فیصل بن فرحان السعود نے کہا کہ انہوں نے مشترکہ مفادات اور دونوں قوموں کے لیے تشویش کے مختلف موضوعات پر تبادلہ خیال کیا۔
