Raza Musani 
غزہ : اسرائیل کے غزہ پر فضائی حملے جاری ہیں۔ وسطیٰ غزہ میں تل الحوا اور الصابرہ کے محلوں پر میزائل داغ دئے۔ النصیرات پناہ گزین کیمپ اور دیر البلاح پر بمباری سے کئی گھر تباہ ہو گئے۔ چالیس سے زائد فلسطینی شہید اور درجنوں زخمی ہوئے۔ خان یونس میں ایک گھر کے ملبے سے پانچ لاشیں نکال لی گئیں۔ غزہ وزارت صحت کی جانب سے جاری بیان میں کہا گیا ہے کہ 24 گھنٹوں میں اسرائیلی حملوں میں 107 فلسطینی شہید اور 145 زخمی ہوگئے۔فلسطینی شہدا کی مجموعی تعداد 29 ہزار سے بڑھ گئی۔ دوسری جانب خان یونس میں اسرائیلی فوج پر حماس کی جانب سے حملے کیے گئے جس میں کئی اسرائیلی فوج ہلاک اور متعدد کو زخمی کرنے کا دعویٰ کیا گیا۔ صیہونی حملوں سے النصر اسپتال کے کئی وارڈ تباہ ہوئے۔ اقوام متحدہ کے ڈاکٹرز نے غزہ کے النصر اسپتال کی صورتحال کو سنگین قراردیا ہے۔
