Raza Musani 
قاہرہ : عرب وزرائے خارجہ نے امریکی صدر ڈونلڈ ٹرمپ کے فلسطینیوں کو بے دخل کرنےکا منصوبہ متفقہ طور پر مسترد کردیا ہے۔
قاہرہ میں اجلاس کے بعد عرب وزرائے خارجہ نے مشترکہ بیان میں کہا کہ ایسے اقدام سے خطے میں استحکام کو خطرہ لاحق ہوگا، تنازعات پھیلیں گے اور امن کے امکانات کو نقصان پہنچے گا۔بیان میں کہا گیا ہے کہ عرب ممالک فلسطینیوں کے ناقابل تنسیخ حقوق پر سمجھوتہ کرنے کی کسی بھی کوشش ، چاہے وہ بذریعہ آبادکاری ہو، یا بذریعہ بے دخلی یا بذریعہ زمین پر قبضہ یا مالکان سے زمین خالی کرانے کے ذریعے کی جائے اور اس کا کوئی بھی جواز ہو اسے مسترد کرتے ہیں۔ بیان میں کہا گیاہے کہ عرب ممالک دو ریاستی حل کی بنیاد پر مشرق وسطیٰ میں منصفانہ اور جامع امن کے حصول کے لیے ٹرمپ انتظامیہ کے ساتھ مل کر کام کرنے کے خواہاں ہیں۔
