حماس کے حملوں کی تحقیقات کے لیے کمیٹی بنانے کا اعلان

تل ابیب: اسرائیلی حکومت نے سات اکتوبر 2023 کے حملے اور بعد کی ناکامیوں کی تحقیقات کے لیے روایتی ریاستی کمیشن کے بجائے آزاد تحقیقاتی کمیشن بنانے کا فیصلہ کیا ہے۔ سرکاری بیان میں کہا گیا کہ کمیشن کا مینڈیٹ کابینہ طے کرے گی اور اس کی تشکیل عوامی قبولیت حاصل کرنے کی کوشش کے ساتھ کی جائے گی۔ فیصلے کے مطابق کمیشن کو مکمل تحقیقاتی اختیارات دیے جائیں گے۔ وزیراعظم بنیامین نیتن یاہو ایک خصوصی وزارتی پینل تشکیل دیں گے جو تحقیقات کے موضوعات اور مدت کا تعین کرے گا۔ جبکہ کمیشن کو سفارشات پیش کرنے کے لیے 45 دن دیے گئے ہیں۔ حکومت نے اپنا فیصلہ ہائی کورٹ آف جسٹس کو بھی ارسال کیا ہے اور عدالت کو یقین دلایا ہے کہ وہ 60 روز میں کمیشن کی تشکیل کی پیش رفت سے آگاہ کرے گی، جیسا کہ عدالت نے ہدایت کی ہے۔