ایران میں 35 ویں بین الاقوامی وحدت اسلامی کانفرنس کا آغاز 20 اکتوبر سے ہوگا

تہران: ایران میں 35 ویں بین الاقوامی وحدت اسلامی کانفرنس 20 اکتوبر کو شروع ہوگی اوراس ویبینار سے 514 شخصیات خطاب کریں گی۔ تقریب مذاہب اسلامی عالم فورم کے سیکریٹری جنرل حجتہ الاسلام حمید شہریاری نےنیوزکانفرنس میں بتایا کہ وحدت اسلامی کانفرنس سے 16ملکوں کی230شخصیات شرکت اور براہ راست خطاب کریں گی جبکہ 52 شخصیات آن لائن خطاب کریں گی۔ سیاسی و ثقافتی شخصیات پر مشتمل 180مقررین ایران سے متعلق ہوں گی۔ یہ کانفرنس 25 اکتوبر تک جاری رہے گی۔ کانفرنس کا مقصد، مسلمانان عالم میں اتحاد و یکجہتی اور علماء و دانشوروں کے نظریات میں یکجہتی پیدا کرنا اور عالم اسلام میں اتحاد کے لئے پیش کئے گئے طریقوں کا جائزہ لینا ہے تاکہ مسلمانوں کے مسائل و مشکلات حل کرنے میں مدد مل سکے۔