گلگت سے پنڈی جانیوالی بس پر دہشت گردوں کی فائرنگ، 8 افراد شہید، 16 زخمی

چلاس : شاہراہ قراقرم پر چلاس کے قریب بڈور کے قریب دہشت گردوں نے بس پر فائرنگ کی، جس کے باعث بس ٹرک سے ٹکرا گئی، حادثے میں 8 افراد شہید اور 16 زخمی ہوگئے۔ ڈپٹی کمشنر چلاس عارف احمد نے بتایا کہ فائرنگ کا نشانہ بننے والی بس ٹرک سے ٹکرائی، جس سے ٹرک میں آگ لگ گئی۔ ڈی سی نے مزید کہا کہ جائے وقوعہ پر امدادی ٹیمیں موقع پر پہنچیں، زخمیوں کو ریجنل ہیڈکوارٹر اسپتال چلاس منتقل کیا گیا۔ پولیس حکام کے مطابق بس ضلع غذر سے راولپنڈی جارہی تھی۔حادثے کا شکار ہونے والے افراد کا تعلق کوہستان، پشاور، غذر، چلاس، روندو، اسکردو، مانسہرہ اور سندھ سے ہے۔