Raza Musani 
کیچ : بلوچستان کے ضلع کیچ میں دہشت گردوں کے چیک پوسٹ پر حملے میں 2 اہلکار شہید ہوگئے۔آئی ایس پی آر کے مطابق کیچ میں دہشت گردوں نے سیکیورٹی فورسز کی چیک پوسٹ پر حملہ کیا، اس دوران فائرنگ کے تبادلے میں خوشاب کے رہائشی لانس نائیک منظر عباس اور خضدار کے رہائشی سپاہی عبدالفتح شہید ہوگئے۔ فورسز کی جوابی کارروائی پر دہشت گرد فرار ہوگئے جن کی تلاش کے لیے آپریشن جاری ہے۔آئی ایس پی آر کے مطابق سیکیورٹی فورسز ایسے دشمن عناصر کی کارروائیوں کو شکست دینے کے لیے پرعزم ہیں، دہشت گردوں کا مقصد بلوچستان کے امن، استحکام اور ترقی کو متاثر کرنا ہے۔
