Raza Musani 
اسلام آباد : امریکا میں سابق سفیر ملیحہ لودھی نے کہا کہ اس وقت عالمی سطح پر امریکا اور چین کے درمیان تناؤ بڑھتا جارہا ہے۔ پاکستان کیلئے نئے سال میں خارجہ پالیسی کا سب سے بڑا چیلنج امریکا اور چین کے ساتھ تعلقات میں توازن برقرار رکھنا ہوگا۔ چین کے ساتھ تو مضبوط تعلقات قائم ہیں تاہم امریکا کے ساتھ تعلقات معمول پر لانا ہے۔ ملیحہ لودھی کا کہنا تھا کہ پاکستان خطےکےبڑے ممالک کے تسلیم کرنےکے بعد ہی طالبان حکومت کو تسلیم کرے گا، سعودی عرب اور ایران کے درمیان تناؤ کو بھی خارجہ پالیسی میں متوازن کرنا ہوگا، پاک بھارت تعلقات معمول پر لانے کیلئے ضروری ہوگا کہ مودی حکومت کشمیر ایشو کو ایڈریس کرے۔
