Raza Musani 
تل ابیب: اسرائیل میں ہزاروں افراد نے مسلسل 24 ویں ہفتے سڑکوں پر نکل کر متنازع عدالتی اصلاحات کیخلاف احتجاج کیا۔ اسرائیل میں صیہونی وزیراعظم بنیامین نتن یاہو کے عدالتی اصلاحات کے متنازع منصوبے کیخلاف احتجاج کا سلسلہ جاری ہے۔ چوبیسں ویں ہفتے بھی دارالحکومت تل ابیب ۔حیفہ اور دوسرے شہروں کی سڑکیں مظاہرین سے بھر گئیں۔ تل ابیب کی سڑکوں پر ہزاروں افراد نے حکومت کے خلاف احتجاجی جلوس نکالا۔ مظاہرین نے بینرز اٹھا رکھے تھے جن پر نیتن یاہو ’’جمہوریت کا دشمن‘‘ اور ’’وزیر جرم‘‘ کے نعرے درج تھے۔ مظاہرین نے عدالتی اصلاحات کو جمہوریت دشمن قرار دیا اور احتجاج جاری رکھنے کا اعلان کیا۔ ادھر حیفہ بھی بھی لوگوں کی بڑی تعداد نے ریلی نکالی اور عدالتی اصلاحات پر اپنے غم غصے کا اظہار کیا۔ صیہونی وزیراعظم عدالتی اختیارات اور ججوں کے اختیارات کو محدود کرنے کے لیے ترمیم لانے کی کوشش کر رہے ہیں جبکہ عوامی حلقوں نے ترمیم کو جمہوری اقدار اورعدلیہ کی آزادی کے خلاف قرار دیا ہے۔
