تہران: عمان اور ایران کے وزرائے خارجہ کی ملاقات

تہران : تہران میں عمان کے وزیر خارجہ نے کہا کہ سلطنت عمان نے ہمیشہ اچھی ہمسائیگی اور اسلامی جمہوریہ ایران کی حمایت کی پالیسی اپنائی ہے اور خطے اور دنیا کی سلامتی کا خواہاں ہے۔ اس ملاقات میں ایرانی وزیر خارجہ نے کہا کہ آج دونوں ممالک کے تعلقات دوستی اور بھائی چارے پر مبنی ہمسائیگی سے بڑھ کر سفارت کاری کے میدان میں ایمانداری کی بہترین مثال ہیں۔ ہم اسلامی جمہوریہ ایران کے خلاف غیر منصفانہ پابندیوں کو ہٹانے میں سلطنت عمان کی تعمیری کوششوں کا شکریہ ادا کرتے ہیں اور معاہدے کو حتمی مراحل تک پہنچانے کے لیے عمان کی کوششوں کو سراہتے ہیں۔