Raza Musani 
کابل : طالبان حکومت نے سعودی عرب کی ثالثی میں تین پاکستانی فوجیوں کو رمضان المبارک کے موقع پر رہا کیا۔ طالبان ترجمان ذبیح اللہ مجاہد نے بتایا کہ فوجیوں کو بارہ اکتوبر کو افغانستان میں ڈیورنڈ لائن پر حملوں کے دوران حراست میں لیا گیا تھا۔ طالبان حکومت کے مرکزی ترجمان نے مزید کہا کہ امارت اسلامیہ نے ان قیدیوں کو دوسرے ممالک کے ساتھ اچھے تعلقات برقرار رکھنے کے لیے رہا کیا۔ انھوں نے کہا کہ جنگ کے دوران پاکستانی افواج نے افغان کا کوئی فوجی نہیں پکڑا۔ طالبان حکومت کے بیان میں کہا گیا ہے کہ امارت اسلامیہ افغانستان نے تمام ممالک کے ساتھ مثبت تعلقات پر زور دینے کی اپنی پالیسی کے مطابق رمضان المبارک کے بابرکت مہینے کی آمد کے اعزاز میں رہا کیا۔
