Raza Musani 
اسٹاک ہوم: سوئیڈن میں ایک بار پھر پولیس کو قرآن سمیت دوسری مقدس کتابیں جلانے کی درخو استیں دیدی گئیں۔ سویڈن میں قرآن کی توہین کیخلاف دنیا بھر میں احتجاج کا سلسلہ جاری ہے ایسے میں پولیس کو درخواستیں موصول ہو رہی ہیں کہ قرآن اور دوسری مذہبی کتابیں جلانے کی اجازت دی جائے۔ اسٹاک ہوم میں کسی شخص نے پولیس کو درخواست دی ہے کہ اسے مسجد کے باہر قرآن جلانے کی اجازت دی جائے۔ جبکہ پولیس کو ایک اور درخواست ملی ہے جس میں اسرائیلی سفارتخانے کے سامنے تورات اور انجیل کو جلانے کی اجازت طلب کی گئی ہے۔ جنوبی شہر ہیلسنگبرگ میں بھی پولیس کو ایک تیسری درخواست موصول ہوئی ہے جس میں کسی مذہبی کتاب کو جلانے کی اجازت طلب کی گئی ہے۔ پولیس نے تینوں درخواستوں کے بارے میں ابھی فیصلہ نہیں کیا ہے۔ تاہم حکام کا کہنا ہے کہ سویڈن میں آزادئ اظہار ہے۔ ہم ان لوگوں کا بھی احترام کرتے ہیں جو مختلف نظریہ رکھتے ہیں اور جو کسی اور کے جذبات کو ٹھیس پہنچا سکتا ہے، ہمیں قانون کو دیکھنا ہوتا ہے اور ہم یہی کرتے ہیں۔
