Raza Musani 
تل ابیب : القدس میں صیہونی پولیس نے چاقو سے حملہ کے معمولی شبہ میں فلسطینی خاتون کو گولی مار کر زخمی کردیا۔ پولیس نے دعویٰ کیا ہے کہ اس نے ٹرین اسٹیشن پر پولیس اہلکار کو چاقو مارنے کی کوشش کو ناکام بنا دیا اور حملہ آور کو بے اثر کر دیا گیا۔ صیہونی پولیس نے اپنے ٹویٹر اکاؤنٹ پر کہا کہ القدس کے جفعات هتحموشت ٹرین اسٹیشن پر چاقو سے حملہ کرنے کی کوشش کی اطلاع ملی۔ اس حملہ میں کوئی زخمی نہیں ہوا۔ مشتبہ خاتون کو ٹرین کے سیکیورٹی گارڈ نے فوری طور پر بے اثر کر دیا تھا۔ یہ خاتون معمولی زخمی ہوئی ہے۔ صہیونی پولیس نے بتایا کہ بڑی تعداد میں پولیس فورس جائے وقوعہ پر پہنچ گئی اور اس جگہ کو گھیرے میں لے کر بند کردیا گیا۔
