Raza Musani 
تہران: ولی امر مسلمین آیت اللہ خامنہ ای نے حماس کے سربراہ اسماعیل ہنیہ سے ملاقات میں کہاہے کہ صیہونی حکومت کے خلاف لڑنے والے گروہوں کی حمایت ایران کی پالیسی کا حصہ ہے۔ اور وہ اسے جاری رکھے گا۔ انہوں نے کہاکہ اسرائیلی حکومت غزہ پر جاری جنگ میں امریکا اور اس کے یورپی اتحادیوں کی حمایت سے لطف اندوز ہو رہی ہے۔ غزہ میں صیہونی حکومت کے جرائم کو امریکہ اور بعض مغربی حکومتوں کی براہ راست حمایت حاصل ہے۔ انہوں نے غزہ کے عوام کے صبر و استقامت کو قابل تحسین قرار دیتے ہوئے امریکی نگرانی میں صیہونی حکومت کے جارحانہ حملوں پر تشویش کا اظہار کیا۔ ملاقات کے دوران اسماعیل ہنیہ نے ولی امر مسلمین کو غزہ کی تازہ ترین پیشرفت اور محصور علاقے میں قابض حکومت کی طرف سے کیے گئے جرائم کے ساتھ ساتھ مقبوضہ مغربی کنارے کی صورت حال سے آگاہ کیا۔
