Raza Musani 
خرطوم : سوڈان میں دو سال سے جاری لڑائی کے بعد عرب امارات نواز ملیشیا ریپڈ سپورٹ فورسز نے امریکا کی تجویز کردہ جنگ بندی کو قبول کر لیا ہے۔ آر ایس ایف کے بیان میں کہا گیاہےکہ وہ انسانی صورتحال بہتر بنانے کیلئے سعودی عرب، مصر اور متحدہ عرب پر مشتمل کواڈ ثالث گروپ کی پیشکش قبول کرنے کو تیار ہیں۔
آر ایس ایف نے زور دیا کہ تنازع کے بنیادی اسباب پر توجہ دی جائے اور ایک منصفانہ، جامع اور پائیدار امن قائم کیا جائے۔ سوڈانی فوج نے امریکہ کی تجویز کردہ جنگ بندی کو مسترد کرتے ہوئے کہا ہے کہ وہ ریپڈ سپورٹ فورسز کے خلاف عوامی حمایت حاصل کر کے کارروائی کرے گی، جو ملک کے مغربی نصف پر کنٹرول رکھتی ہیں۔ یہ فیصلہ آرمی چیف جنرل عبد الفتاح البرہان کی زیرصدارت فوجی دفاعی کونسل کے ہنگامی اجلاس کے بعد سامنے آیا۔
