Raza Musani 
خرطوم: سوڈان میں باغی ملیشا ریپڈ سپورٹ فورسز آر ایس ایف نے بےگھروں کے کیمپ پر حملہ کرکے سو سے زائد افراد کو قتل کردیا۔ آر ایس ایف کے اہلکاروں نے جمعہ اور ہفتے کو الفشر شہر اور شمالی دارفور میں دارفور سے بیدخل پناہ گزینوں کے کیمپوں پر دھاوا بولا۔
آر ایس ایف کے توپ خانے نے کیمپوں پر شدید گولہ باری کی۔ حملے میں درجنوں افراد زخمی ہوگئے جس میں بڑی تعداد میں خواتین اور بچے شامل ہیں۔
اقوام متحدہ کے زیر انتظام زمزم اور ابوشوک کیمپوں میں سات لاکھ سے زائد پناہ گزین مقیم ہیں۔
سعودی عرب نے پناہ گزینوں کے کیمپوں پر حملے کی شدید مذمت کی ہے۔ بیان میں انسانی اور امدادی کارکنان کی حفاظت اور تحفظ کو یقینی بنانے کی فوری ضرورت پر زور دیا۔
