Raza Musani 
نیویارک : اقوام متحدہ کی خصوصی نمائندہ فرانسسکا البانیز نے اسرائیل میں امریکی سفیر مائیک ہکابی کو خبردار کیا ہے کہ انسانی امداد روکنا جنگی جرم ہے۔ فرانسسکا البانیز نے مائیک ہکابی کے غزہ کی ناکا بندی ہٹانے کے بدلے اسرائیلی قیدیوں کی رہائی کے مطالبے پر شدید تنقید کی ہے۔ انہوں نے سوشل میڈیا پوسٹ میں لکھا کہ میرا فرض ہے کہ میں آپ کی توجہ معاہدہ روم کے آرٹیکل کی طرف مبذول کرواؤ جس میں کہا گیا ہے کہ انسانی امداد روکنا جنگی جرم ہے۔ انہوں نے لکھا کہ یہ کارروائی فلسطینی آبادی کو تباہ کرنے کے حالات زندگی کو مزید خراب کر دے گی۔ اس سے اسرائیلی اور فلسطینیوں سمیت کسی کو فائدہ نہیں ہوگا۔ ہم سب مل کر اس عفریت کو روک سکتے ہیں.
