امداد روکنے سے غزہ میں قحط پھیلنے کا خدشہ ہے، انروا

جنیوا : اقوام متحدہ نے اسرائیل کی جانب سے امداد روکنے سے غزہ میں قحط پھیلنے سے خبردار کیاہے۔ فلسطینی پناہ گزینوں کے لیے اقوام متحدہ کے ادارے انروا کے سربراہ فلپ لازارینی نے خبردار کیا ہے کہ غزہ کیلئے امداد روکے جانے کو ایک ہفتہ گذر گیا جس کی وجہ سے غزہ کی صورتحال بہت تیزی سے بگڑ رہی ہے۔ میڈیا سے گفتگو میں فلپ لازارینی نے کہا کہ اسرائیل کا ارادہ کچھ بھی ہو لیکن اس کا واضح مقصد انسانی امداد کو ہتھیار بنانا ہے۔ انہوں نے کہا کہ یہ بہت اہم ہے کہ جنگ بندی کے پہلے مرحلے کے دوران ہونے والی پیش رفت کو برقرار رکھا جائے اور لوگوں کی بنیادی ضروریات کو پورا کرنے کے لیے دوبارہ انسانی امداد کی اجازت دی جائے۔