اسپین نے اسرائیلی کمپنی سے اسلحہ خریدنے کا معاہدہ منسوخ کردیا

میڈرڈ : ہسپانوی حکومت نے ایک اسرائیلی کمپنی سے گولہ بارود خریدنے کا اڑسٹھ کروڑ یورو کا معاہدہ منسوخ کر دیا ہے۔ اسپین کی وزارت داخلہ نے سول گارڈ کو گولیوں کی فراہمی کے لیے اسرائیلی فرم آئی ایم آئی سسٹمز کا معاہدہ ختم کرنے پر بات چیت کرنے کی کوشش کی تھی۔ مذاکرات کے تمام راستے ختم کرنے کے بعد وزیر اعظم پیڈرو سانچیز اور مجاز وزارتوں نے یکطرفہ طور پر اسرائیلی کمپنی کے ساتھ گولہ بارود کی خریداری کا معاہدہ منسوخ کرنے کا فیصلہ کیا ہے۔ وزیر اعظم سانچیز نے سوال کیا کہ کیا اسرائیلی فوجی اقدامات بین الاقوامی انسانی قانون کی تعمیل کرتے ہیں، انہوں نے فلسطینیوں کی ہلاکتوں کی بڑھتی ہوئی تعداد کو قطعی ناقابل برداشت قرار دیا۔